2025 жылғы 13 тамызда «Поликлиника №1» ШЖҚ КМК жанындағы «Үміт» Жастар денсаулығы орталығының қызметкерлері Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссия ұйымдастырған көшпелі семинарға қатысты.
«Күшімізді біріктіре отырып – жасөспірімдер мен жастардың репродуктивті денсаулығын сақтаймыз» тақырыбындағы семинар Д. Серікбаев атындағы ШҚТУ-дың бас корпусында өтті.
Іс-шара барысында Қазақстан жасөспірімдері мен жастарының репродуктивті денсаулығының жай-күйіне қатысты өзекті мәселелер және оны сақтау мен нығайтуға бағытталған шаралар талқыланды.
Сол күні Ұлттық комиссия мүшелері қаладағы медициналық ұйымдарға, соның ішінде біздің Жастар денсаулығы орталығына да барды.
Делегация құрамында:
Нұрахметова Гаухар Сердалиевна — Ұлттық комиссия хатшысы;
Хангелдина Сұңқар Қосмананқызы — өңірлердегі Ұлттық комиссия мүшесі;
Камасова Зарина Айдарханқызы — облыс әкімінің штаттан тыс кеңесшісі;
Жұмабаева Әльмира Төлегеновна — ішкі саясат басқармасы басшысының орынбасары;
және басқа да өкілдер болды.
Сапар барысында Жастар денсаулығы орталығының жұмысы таныстырылып, оны одан әрі жетілдіру бойынша ұсыныстар берілді және қызметтің оң тұстары атап өтілді.
«Жасөспірімдер мен жастардың денсаулығы мәселелері дәрігерлердің, педагогтардың, ата-аналардың және мемлекеттің бірлескен жұмысын талап етеді. Біз Республикалық комиссия өкілдеріне назар аударғандары және қолдаулары үшін алғыс айтамыз. Бірлесе отырып, өсіп келе жатқан ұрпақтың дені сау әрі табысты болып өсуіне жағдай жасайтынымызға сенімдіміз», — деп атап өтті №1 қалалық емхананың бас дәрігері Мырамытова Айман Болатовна!