ҚЫЗДАРДЫ HPV-ге қарсы вакцинациялау: №29 және 37 ОМ ММ АТА-АНАЛАРЫМЕН КЕЗДЕСУ
24 және 25 қыркүйекте ШҚО ДСБ “ Өскемен қаласының 1 емханасы” шЖҚ КММ медицина қызметкерлері №29 және 37 ОМ ММ оқушыларының ата-аналарына қыз балаларды HPV ауруына қарсы егу бойынша ақпараттық-түсіндіру кездесуін өткізді. Кездесу барысында емхана мамандары жатыр мойны обырының және басқа да ауыр аурулардың дамуына әкелетін адам папилломавирусының алдын алу үшін екпенің маңыздылығы туралы айтты.
Дәрігер-эпидемиолог Ахтанова Гүлдарай вакцинаның әсер ету механизмін, оның қауіпсіздігін және жасөспірім кезіндегі екпенің қажеттілігін жан-жақты түсіндірді. Қыз балалардың денсаулығын қорғаудың негізгі әдістерінің бірі ретінде вакцинацияның тиімділігін растайтын қазіргі аурулар статистикасына ерекше назар аударылды.
«Ата-аналар бұл профилактикалық шараның маңыздылығын түсініп, фактілер мен ғылыми деректерге негізделген дұрыс шешім қабылдау үшін оны балаларымен талқылауы маңызды», – деп атап өтті емхананың онколог дәрігері Гүлнар Жұмагалиева.
Кездесуде ата-аналар көкейлерінде жүрген сұрақтарын қойып, көкейлерінде жүрген сұрақтарын талқылап, екпеге қатысты өзекті ұсыныстар алды.
Балалардың денсаулығы – ортақ жауапкершілік және бірлескен күш-жігер HPV-мен байланысты аурулардың қаупін айтарлықтай төмендете алады.
