САРАПШЫ ДӘРІГЕР ЖАЗҒЫ ДЕМАЛЫСТЫҢ СОҢҒЫ АЙЫНДА БАЛАЛАРДЫҢ ҚАУІПСІЗДІГІ ЖАЙЛЫ ЕСКЕ САЛДЫ
Өскемен қаласының №1 емханасының ЖПД-2 бөлімшесінің меңгерушісі, сарапшы дәрігер Әсия Қуанышева Шығыс Қазақстан ата-аналарына алдын ала ойластыру мен сақтық туралы тағы да еске салды.
«Демалыс аяқталуға жақын. Мектеп уақыты жақындап қалды. Әрбір ыңғайлы жағдайда қауіпсіздік ережелерін айтыңыз. Балаларыңызбен мұндай әңгімелер үшін уақытты аямаңыз. Балаңызға жолда сақ болуды, жол қозғалысының негізгі белгілері бойынша бағдарлауды және жарақат алу қаупі бар жерлерде қауіпсіз жүру ережелерін үйретіңіз, сондай-ақ оған жеке қауіпсіздік ережелері туралы айтыңыз. Балаларға күнделікті өмірдегі қауіпсіздік ережелерін еске түсіріңіз. Балалар ересектердің қарауынсыз дәрі-дәрмектерді қабылдауға болмайтынын, бұрын игерілмеген электр құрылғыларын қолдануға болмайтынын білуі керек», – дейді Әсия Қанатқызы. Сондай-ақ, дәрігер ашық терезелер мәселесі әлі де өзекті екенін атап өтті. Естеріңізге сала кетейік, ағымдағы жылдың жеті айында ғана өңірдегі балалардың терезеден құлауының 14 фактісі тіркелді.
