🇰🇿 ««Дәрігердің Конституцияға көзқарасы»
Қазақстан Республикасы Конституциясының 29-бабында әрбір азаматтың денсаулығын сақтауға құқығы бар екені айтылған. Осы құқық аясында мемлекет заңмен белгіленген көлемде тегін медициналық көмекті кепілдендіреді.
Дәрігер үшін бұл жай ғана конституциялық норма емес — бұл күнделікті тәжірибеде қамқорлыққа, жауапкершілікке және кәсібилікке негізделген жұмыс.
Қайырбекова Мейірім Архатқызы — 5 жылдық еңбек өтілі бар жалпы практика дәрігері. 2021 жылдан бері ШҚО ДСБ «Өскемен қ. №1 қалалық емхана» ШЖҚ КМК-де қызмет атқарады. Семей медицина университетін «Жалпы медицина» мамандығы бойынша тәмамдап, терапия бойынша интернатура мен отбасылық медицина бойынша резидентурадан өткен.
2023 жылы ол денсаулық сақтау саласындағы дауларды құқықтық реттеу және медиация тақырыбы бойынша біліктілігін арттырды. Себебі қазіргі заманғы дәрігер тек емдеп қана қоймай, медицинаның құқықтық қыр-сырын да білуі тиіс.
— Денсаулық — әр адамның негізгі құқығы. Адамдардың осы құқықтарын жүзеге асыруға күн сайын көмектесіп жүргеніме мақтанамын. Конституция — жай ғана құжат емес. Біз, дәрігерлер үшін, бұл — мамандығымыздың іргетасы, — дейді Мейірім Архатқызы.
Азаматтардың мықты денсаулығы — мызғымас мемлекеттің берік іргетасы.
