Емізу – салауатты балалық шақтың негізі: патронаждық мейірбикенің тәжірибесі
Өскемен қаласындағы №1 қалалық емханада патронаждық қызметтің жұмысы қалай жолға қойылғаны туралы бөлісті.
Емшекпен қоректендіруді қолдау апталығы аясында емхананың патронаждық қызмет мамандары нәрестелерді табиғи жолмен тамақтандырудың маңыздылығын еске салды. Ана сүті – жаңа туған нәрестелер үшін ең құнды әрі теңгерімді қорек болып табылады. Ол түрлі жұқпалардан қорғайды, дұрыс дамуға ықпал етеді және ана мен бала арасындағы эмоциялық байланысты нығайтады.
Жас аналарды қолдау ісінде патронаждық мейірбикелердің рөлі ерекше. Осындай жарқын мысалдардың бірі — 42 жылдық еңбек өтілі бар, соның ішінде 10 жылын патронаждық қызметке арнаған мейірбике Бақыт Уәлиева. Оның кәсібилігі мен қамқорлығының арқасында көптеген аналар емізуді сәтті жолға қоя алды.
Төрт айлық сәбидің анасы Айзат Уәлиева былай деп бөлісті:
«Бақыт Қапанқызы алғашқы күндерден-ақ бізге көмектесті: сәбиімді дұрыс емізуді түсіндіріп, сенімсіздік туған сәтте қолдау көрсетті. Оның қолдауының арқасында мен сенімді түрде емізіп жүрмін және өзімді жалғыз сезінбеймін».
Мамандардың айтуынша, патронаждық қызметтің жұмысы – тек медициналық бақылау ғана емес, сонымен қатар баланың өмірінің алғашқы айларында отбасыға көрсетілетін маңызды эмоциялық қолдау
