Қалалық және облыстық мәслихат депутаттары №1 қалалық емханасында болды
Шығыс Қазақстан облысының қалалық және облыстық мәслихат депутаттары көшпелі отырыс аясында Өскемен қаласындағы бірқатар медициналық ұйымдарға, соның ішінде ШҚО ДСБ «№1 емханасы» ШЖҚ КМК-ға барды.
Сапар барысында жөндеу жұмыстары жүріп жатқан нысандармен танысып, медициналық көмектің қолжетімділігі мен сапасы, материалдық-техникалық жарақтандыру мәселелері талқыланды.
Сапар қорытындысы бойынша денсаулық сақтау басқармасына мынадай ұсыныстар берілді:
– жөндеу жұмыстарын белгіленген мерзімде аяқтауды қамтамасыз ету;
– жөндеу аяқталғаннан кейін жиһаз бен жабдықтарды жаңарту мәселесін қарастыру.
Қалалық мәслихат депутаты Александр Светаш атап өтті:
«Жөндеу жүріп жатқанына қарамастан, емхана ұжымы толық беріліп жұмыс істеуде. Біздің міндетіміз – пациенттер сапалы медициналық көмек алуы үшін, ал медицина қызметкерлері қолайлы жағдайда еңбек етуі үшін барлық қажетті жағдайды жасау. Мұндай жұмыс сапарлары жағдайды бақылауда ұстауға және дұрыс шешімдер қабылдауға мүмкіндік береді».
Осындай сапарлар – билік өкілдері мен медицина қауымдастығы арасындағы кері байланыс пен диалог орнатудың маңызды құралы.
