Тұрақты тексерулер мен скринингтер қауіпті ауруды ерте кезеңде анықтап қана қоймай, адамның өмірін сақтап қалады. Ал біз адам баласы туылғаннан бастап, қартайғанға дейін өтетін скринингтер туралы айтып отырмыз. Өйткені, ағза өзгеріп, түрлі аурулар өмірдің әр кезеңінде пайда болуы мүмкін, деп хабарлайды Аltainnews.kz тілшісі.
Скринингтік зерттеулер мемлекеттік тегін медициналық көмек аясында, міндетті әлеуметтік және медициналық сақтандыру арқылы да жүзеге асырылады. Өскемендегі No1 емханасында скрининг қалай жүргізілетінін, кімдер, қашан өтуі керектігін айтты.
Пренатальды скрининг
Бала құрсағында алғаш рет скринингпен немесе талдаулар мен тұтас қаралу кешенімен кездеседі. Сондықтан оны пренатальды деп атайды, өйткені ол болашақ ананың жүктілігінің бірінші триместрінде болады.
Ұрықтың диагностикасы мамандарға туа біткен нәрестедегі бірқатар туа біткен ауытқушылықтар мен даму бұзылыстарын жеткілікті жоғары дәлдікпен анықтауға мүмкіндік береді. Сондықтан пренатальды скрининг ананың жүктілігі кезіндегі ұрықтың барлық маңызды зерттеулерін қамтиды. Бұл жүктіліктің ерте кезеңдерінде балада хромосомалық аурулардың даму қаупін анықтауға мүмкіндік беретін бірнеше әдістердің бірі. Источник: altainews.kz
